Web edukia bistaratu Web edukia bistaratu

Programa

Gipuzkoako Foru Aldundiak jartzen du martxan urtero, Gipuzkoako ikastetxe, udal, kirol federazio eta klubekin elkarlanean ESKOLA KIROLA JARDUEREN PROGRAMA 6 urtetik 16ra bitarteko ikasleei zuzendua.

Eskola kirola programaren bitartez, Gipuzkoako ikasle guztiak kirola egiten hastea lortu nahi da. Kirol prestakuntza epe luzeko prozesu gisa lantzen da ikasle guztiei kirol anitz probatzeko aukera eskainiz.

 

Jaitsi dokumentua

Foru Agindua [pdf]

Programa onartzen duen 2017ko abuztuaren 28ko 02-113/2017 Foru Agindua
 

Jaitsi dokumentua

Jarduera programa [pdf]

Gipuzkoako eskola kiroleko jardueren programa 2017-2018
 

Programaren edukia

Eskola Kirola programa sei jarduera motatan egituratuta egoten da helburu ezberdinen arabera.

Eskolaume guztientzat

Hastapen jarduerak: 6 eta 16 urte bitarteko ikasle guztiei zuzendutako jarduerak dira eta kirol modalitate desberdinetan hasteko nahiz hobetzeko ikastaroak izaten dira.

Parte hartzeko lehiaketak: ikasleek 8 urte dituztenean hasten dira, benjaminetan alegia, eta amaitu 16 urte egiten dituztenean, kadete izateari uzten diotenean.

Errendimendurako gaitasuna dutenentzat

Teknifikazio jarduerak: 11 urtetik aurrera hasten dira, umeak alebinetako bigarren urtean daudenean, kirol mota desberdinak ezagutu eta probatu dituztenean eta kirol teknikariek errendimendurako ezaugarriak ikusten dizkietenean.

Errendimenduan hasteko lehiaketak: 11-12 urterekin hasten dira (alebin kategoriako 2. urtean).

Gaitasun bereziak dituztenek Kirol talentuak eta promesak hautemateko ibilbidean parte hartzeko aukera dute

Teknifikazio jarduerak

Lehiaketa murriztuak

Programaren eraketa

Urtero programa honen eraketan Gipuzkoako kirol federazioek, udalek, ikastetxeek eta Aldundiak berak parte hartzen dute ESKOLA KIROLEKO LURRALDE KONTSEILUAren bitartez. Bere funtzioek adierazten duten bezala Programa honetan sartzen diren jardueren ezaugarriei eta abarrei buruzko erakunde aholkularia da Kontseilua. Guzti honi esker maila ezberdinetan bilduta dauden kirol egitura ezberdinen partehartzaileen ordezkariekin eratuta dagoen sistema integratzailea sortzen da.